ég sat í gluggasillunni
lesandi miðaldakrimma en líka
í augliti við götuna
sex metrum neðan við
þau gengu fram hjá
og í augnablik umbreyttust
þau í það með
snertingu fingra og húðar
fast á girðingu flökti
plastdrasl sem í útjaðri
sjónsviðs míns varð eldlogi
og skafrenningur að reyk
liljan hvín í rokinu
hvít í meyjarvissu heilans
dreymdi munkinn um Jerúsalem
eða var hann heimasáttur
Engin ummæli:
Skrifa ummæli